CIL 11, 2702

Dating

written: 224 CE

Text

Ap(pio) Claudio Iuliano II co(n)s(ulibus) / L(ucio) Bruttio Crispino / X Kal(endas) Feb(ruarias) / in schola collegi(i) fabrum civitatis Volsiniensium quem coegerunt / T(itus) Sossius Hilarus et Caetennius Onesimus q(uin)q(uennales) ibi idem q(uin)q(uennales) verba fecer(unt) / quanto amore quantaque adfectione Laberius Gallus p(rimi)p(ilaris) v(ir) e(regius) erga / coll(eg)ium n(ostrum) agere instituerit beneficia eius iam dudum in nos / conlata confirmant et ideo Anchariam Lupercam uxorem / eius filiam Anchari quondam Celeris b(onae) m(emoriae) v(iri) cuius proles et / prosapia omnibus honoribus patriae n(ostrae) sincera fide func/ta est in honorem eorum et pro morum eius castitatae / et iam priscae consuetudinis sanctitatae patronam / collegi(i) n(ostri) cooptemus statuam etiam ei aeream iuxta eun/dem Laberium Gallum maritum suum in schola collegi(i) n(ostri) / ponamus q(uid) d(e) e(a) r(e) f(ieri) p(laceret) u(niversi) i(ta) c(ensuerunt) recte et merito retulisse / q(uin)q(uennales) n(ostros) ut Anchariam Lupercam honestam matronam sanc/t(a)e indolis et disciplinae caerimoni(i)s etiam praedit feminam / in honorem Laberi Galli p(rimi)p(ilaris) e(gregii) v(iri) mariti eius patroni collegi(i) / n(ostri) et in memoriam Anchari quondam Celeris patris eius / dignissimam patronam cooptemus statuamque ei aeream / in schola collegi(i) n(ostri) iuxta eundem Laberium Gallum maritum / suum ponamus ut eius erga{a} nos pietas et nostra erga eam vo/luntas publica etiam visione{m} conspiciatur tabulam quo/que patrocinalem in domo eius adfigi