IMT Kyz 1318
Dating
No information available.
Text
1 καὶ τίνα σ’, ὦ δάμαρ, μυθήσομαι ἄξιον ὕμνον, |
τίπτε δέ σευ πρῶτον μνήσομαι ἢ πύματον, |
πίστιν ἀμεμφέα ἠδ’ ἀρετὴν, λέχος, αἷμα φίλανδρον, |
εὐρύνοον σοφίην, στέμμα σαοφροσύνης; |
5 τοὔνεκα σοὶ καὶ ἐμοὶ πολυεργέα τάφον ἔτευξα, |
ὄφρα τις ἀμφοτέρων μνήσαιτ’ ἐν ὀψιγόνοις, |
ἄλλυτον, αὐτόστυλον, ἐΰξοον, αὐτοροφόν τε |
νηὸν, ἄγαλμα, τάφον, σῆμα πολυφραδίης· |
ἂν δ’ ἔργον δοιοῖς ὑπὸ λάεσι τόσσα τεχνήσας |
10 ἔστησεν Βασιλεὺς Οὐρβίκῃ Εἰκονίῳ. |