IG 14, 1003
Dating
No information available.
Text
1 ὦ Διὸς Ἀλκμήνης τε μεγασθενὲς
ὄβριμον αἷμα, |
ἵστορ ἀταρβήτων, Ἡράκλεες,
καμάτων, |
5 ἠνίδε τοι τόδ’ ἄγαλμα φέρων
κρητῆρος ἀγητὸν |
θῆκα τεῶν ἀέθλων πλεῖον [εὐ]-
γλυφέων, |
οὕς ποτ’, ἄναξ, ἐτέλεσσας ὑπε[ρ]-
10 φιάλους ἀδίκους τε |
ἄνδρας ἰδ’ ὠμηστὰς θῆρας
ἐναιρόμενος· |
τῷ σε καὶ υἷα Δίκηι Κρονίδης
θετὸν ἐγγυάλιξε, |
15 εὖτέ μιν ὑβρισταὶ φῶτες ἄτ[ι]-
μον ἄγον. |
ἤπιος εὐμενέων τε πέλοις,
ἐπειή νύ μοι αἰεὶ |
εὐχομένωι τε πάρει χεῖρά
20 θ’ ὕπερθεν ἔχεις·
καὶ δὴ νῦν μ’ ἐσάωσας ἀμείβ̣[ον]-
τα κλυτὰ φῦλα |
Κελτῶν καὶ Λιγύων ἄστυ πρ[ὸς]
Αὐσόνιον· |
25 αὐτὸν ἀλεξητῆρα κακῶν,
αὐτόν σε δοτῆρα |
παντοίης ἀρετῆς κληίζο-
μεν, Ἡράκλεες.