CIL 6, 32038

Home > Europe > Italy > Lazio > Provincia di Roma > Ancient city Rome > CIL 6, 32038

Dating

No information available.

Text

Quamvis nate tuos mors ruperit annos / astulerintque tuum dura sepulcra decus / non tamen has secum potuit deducere laudes / quas vivens semper fama superstes habet / maiorum longa veniens de stirpe senator / auxisti mentis nobilitate genus / iudicis imperium servans bonitate magistra / cum tibi subiectis tu quoque miles eras / urbanos fasces gaudens tibi Roma parabat / consilio fratris nunc moderata tui / fidus amicitiae custos ambitor honesti / iustitiae cultor pacis amator eras / gratus dulcis ovans humilis pius ei mihi quantis / privavit miserum sors inimica bonis / te levita parens suboles coniunxque fidelis / te mixtis lacrimis luget amata domus / ni(hi)l tibi defendens famulum mihi nate para(vi)sti / ut tibi servitii cresceret alter amor // Praetextatus Salventius Verecundus Traianus v(ir) c(larissimus) et sp(ectabilis) vitam / posuit X Kal(endas) Mai(as) et it(erum) p(ost) c(onsulatum) Lampadi et Orestis vv(irorum) cc(larissimorum) / qui vixit ann(os) XXXV m(enses) II d(ies) XIII