CIL 5, 6722

Home > Europe > Italy > Piemonte > Provincia di Vercelli > Ancient city Vercelli > CIL 5, 6722

Dating

No information available.

Text

Tertius hanc urbis sedem tenuit Honoratus / antistes cuius spiritus astra tenet / Eusebius praesul primus qui martyr alumnus / caelorum postquam regna beata petit / hic pater ecclesiam docuit hanc dogmate recto / sermonibus complens actibus ipse suos / terris ac caelo coniunctus ubique magistro / Eusebio consors hic Honoratus adest // pontificis sancti cineres tenet haec Honorati / arca hominis vilis quae manet ingenio / hunc sanctum docuit nutrivit pastor alumnus / egregius martyr praesul et Eusebius / exilii poenas et carceris iste subivit / discipulus carus et socius pariter / ambo fide digni meritis et nomine patres / cum Christo iuncti praemia summa tenent