CIL 14, 2852

Dating

No information available.

Text

Tu quae Tarpeio coleris vicina Tonanti / votorum vindex semper Fortuna meorum / accipe quae pietas ponit tibi dona merenti / effigiem nostri conservatura parentis / cuius ne taceat memorandum littera nomen / Caesius hic idemq(ue) Titus Primusq(ue) vocatur / qui largae Cereris messes fructusq(ue) renatos / digerit in pretium cui constat fama fidesq(ue) / et qui divitias vincit pudor ire per illos / consuetus portus cura studioq(ue) laboris / litor(a) qui praestant fessis tutissima nautis / notus in urbe sacra notus quoq(ue) finibus illis / quos Umber sulcare solet quos Tuscus arator / omnibus hic annis votorum more suorum / centenas adicit numero crescente coronas / Fortunae simulacra colens et Apollinis aras / arcanumq(ue) Iovem quorum consentit in illo / maiestas longae promittens tempore vitae / accipe posteritas quod per tua saecula narres / Taurinus kari iussus pietate parentis / hoc posuit donum quod nec sententia mortis / vincere nec poterit fatorum summa potestas / sed populi salvo semper rumore manebit // L(ucio) Ceion[i]o Comm[odo] / [S]ex(to) Vetul[e]nio Civi[ca] / Pompeiano c[o(n)s(ulibus)] / loc(us) d(atus) d(ecreto) d(ecurionum)